योजनाः आगामी महिनाको

-सङ्गीत

आगामी महिना
कतिचोटी मुस्कुराउने
कतिचोटी सुँक्क सुँक्क रुने
पि्रय सुनकला !
मसँग कुनै खास योजना छैन

आगामी महिना
को कोसँग झोक्किएर रिसाउने
कस-कसलाई प्रेमले अँगालो हाल्ने
कतिबेला बेचैन हुने
कतिबेला भयभित हुने
कतिबेला खुशीले गद्गद् हुने
कार्यतालिकाको कुनै खेस्रा छैन

आगामी महिना
कसको निधारमा हलुका म्वाँई खाने
कसको अनुहारमा घृणा वसा्रउने
मलाई आजैको कामले उछार छैन

पि्रय सुनकला !
आगामी महिनाबारे
मैले केही सोचेकै छैन ।

-बाजुङ पर्वत